Жұмысты Премьер-министрдің тапсырмасы бойынша Мемлекеттік кірістер комитеті жүргізеді. Мақсаты — ішкі нарықты қорғау және заң бұзушылықтарға жол бермеу.
Бақылау автомобиль өткізу пункттерінде және шекара маңындағы аудандардағы мобильді топтардың күшімен жүргізіледі. Күн сайын жанар-жағармай бекеттеріндегі отын сатылымы және шағын мұнай өңдеу зауыттарының жұмысы қадағаланады.
Мобильді топтар 122 автоцистернаны тексерді. Жекелеген жағдайларда сараптама үшін сынамалар алынды. Бұзушылардың көпшілігі жасырын бактар мен канистрлерді пайдаланған.
Нақты жағдайлар
6 шілдеде Батыс Қазақстан облысындағы «Сырым» пунктінде жүк көлігінің қосымша бағынан 1,2 мың литр дизель тәркіленді.
8 шілдеде Павлодар облысы, Железин ауданында құжатсыз 4 мың литрдан астам бензині бар көлік ұсталды.
Қосымша шаралар
МКК төрағасы Жандос Дүйсембиев бақылаудың ұйымдастырылуын бағалау үшін Қазақстан-Өзбекстан шекара учаскесіне барды. Шекара маңындағы жанар-жағармай бекеттері мен шағын мұнай өңдеу зауыттарын талдау нәтижесінде 103 хронометраждық тексеру тағайындалды.
Тексерулер жалғасуда.