Вице-министрдің сөзіне қарағанда, автоматтандыру арналардағы жағдайды нақты уақыт режимінде қадағалауға және суды жеткізуді жедел басқаруға мүмкіндік береді. Бұл ресурстарды бөлу кезіндегі шығындарды азайтуы тиіс.
Жұмысты «Қазсушар» РМК инвестициялық бағдарлама аясында республикалық бюджеттің қолдауымен жүргізеді. Жобаларда отандық және шетелдік технологиялар қолданылады. Трансшекаралық нысандарда ең үздік шетелдік шешімдер қолданылады, ал ел ішінде жекелеген компоненттердің өзіндік өндірісі дамытылады.
Жасанды интеллект пен аналитикалық құралдарға ерекше назар аударылады. Жасанды интеллект және цифрлық даму министрлігімен бірлесіп, су саласында үлкен деректер мен цифрлық платформаларды қолдану пысықталуда.