Мемлекет басшысы технологиялық ынтымақтастықтың негізгі бағыттарын белгілеп, жасанды интеллекттің елдің болашақ экономикалық өсуіндегі рөлін атап өтті.
Қазақстан халықаралық инвесторларды тарту үшін заманауи цифрлық инфрақұрылымды құруда.
Data Center Valley жобасы
Тоқаев Экібастұздағы Data Center Valley жобасына толық тоқталды. Оның сөзінше, бұл Қазақстан мен бүкіл Орталық Азияның цифрлық инфрақұрылымының тірегіне айналуы тиіс бірегей стратегиялық бастама.
Жобаның басты мақсаты — деректерді өңдеу орталықтары, бұлттық қызметтер және жасанды интеллект инфрақұрылымы үшін халықаралық платформа құру. Инвесторларға дайын алаңдар, заманауи инфрақұрылым және тұрақты электрмен қамтамасыз ету режимі ұсынылады.
Жұмыс деректер орталықтарын салумен шектелмейді. Суперкомпьютерді, жасанды интеллект зертханаларын, ғылыми-зерттеу ұйымдарын, білім беру бағдарламаларын, стартаптарды және экспортқа бағытталған цифрлық қызметтерді біріктіретін тұтас инновациялық экожүйе қалыптастыру жоспарлануда.
Президент қытайлық серіктестермен ынтымақтастықты одан әрі нығайтуға мүдделі екенін білдірді.
Бұған дейін Тоқаев ҚХР Төрағасы Си Цзиньпиннің шақыруымен Шанхайға жұмыс сапарымен келген болатын.