Биыл Қызылқұм магистральдық каналы арқылы 3,5 мың гектар күріш егістігін суару жоспарланған. Қазір министрлік, «Қазсушар» РМК, жергілікті атқарушы органдар қызметкерлері және мониторингтік топ жұмыс істеп жатыр.
Келісімшарт жасасқан барлық ауыл шаруашылығы өндірушілері суды толық көлемде алады. Мониторингтік топ мұндай келісімшарттары жоқ аграрийлерге қосымша көмек көрсетеді.
Бұған дейін Шардара ауданының фермерлері күріш егілгеннен кейін судың шектелуі туралы хабарлаған. Олар вегетациялық кезең бойы суаруды күткен. Министрлікте жағдай профильді ведомстволар мен жергілікті биліктің бақылауында қалып отырғаны атап өтілді.