Келісім Қытай делегациясының сапары кезінде қол қойылды. Делегация құрамына Қытай ауыл шаруашылығы ғылымдары академиясының Өсімдіктерді қорғау институтының, Қытай ауыл шаруашылығы университетінің және Zhongbao компаниясының өкілдері кірді.
Құжат биопестицидтерді бірлесіп әзірлеуді, технологияларды беруді және оларды Қазақстан аумағында өндіруді ұйымдастыруды көздейді. Сондай-ақ тараптар мамандар даярлауға келісті.
Ынтымақтастықтың басты мақсаты ел ішінде өсімдіктерді қорғаудың заманауи биологиялық құралдарын шығару үшін жағдай жасау болады. Бұл экологиялық қауіпсіз препараттарды қолдануды кеңейтуге және импорттық өнімге тәуелділікті азайтуға мүмкіндік береді.
Сонымен қатар, серіктестер бірлескен зерттеулер жүргізуді, өсімдіктерді қорғаудың жаңа құралдарын әзірлеу мен сынауды, технологиялар мен ғылыми әзірлемелермен алмасуды, сондай-ақ академиялық алмасу және жобаларды коммерцияландыру бағдарламаларын іске қосуды көздеп отыр.